இந்த ஊரடங்கு ஆரம்பித்த காலத்தில் சினிமாக்கள் சீரியல்கள் எல்லாம் பரபரப்பாக மக்கள் பார்த்தாலும் சில மாதங்களிலேயே பலருக்கும் அது போரடித்துவிட்டது. ஆனால் யுடியூப் அப்படி போரடிப்பதில்லை, ஏனென்றால் இதில் இருப்பது நிஜ மக்களின் பங்களிப்பு.
நீங்கள் ஏ.ஐ முதல் கோழி வளார்ப்பு வரை எந்தத் துறையில் இருந்தாலும் அந்தத் துறையின் வல்லுனர்களின் கருத்துக்கள் அதில் இருக்கின்றன. கற்றுக்கொள ஆர்வம் இருக்கும் ஒருவருக்கு அது ஒரு பெரிய புதையலாக இருக்கிறது. நான் நெட்பிளிக்ஸ் வாடிக்கையாளர் இல்லை, ஆனால் யுடியூப் ப்ரீமியம் பணம் கட்டுகிறேன். ஏனென்றால் புனைவை விட நிஜம் பல சமயங்களில் ஆச்சர்மளிப்பது.
அந்த சர்பேட்டா படம் பற்றி இந்த டியூப் வழியே ஒரு பார்வை.
---
சார்பேட்டா பரம்பரை படம் ஒரு வாழ்க்கையை இயல்பாகக் காட்டியிருந்தாலும் சில இடங்கள் கொஞ்சம் ஓவர் டோஸாக இருப்பதும் கவனிக்கமுடிந்தது.
இந்தப் படத்தில் ரங்கன் வாத்தியார் திமுகக்காரராகக் காட்டப்படுவதும் படத்தின் ஒரு முக்கியப்புள்ளியில் ஆட்சிக்கலைப்பு வருவதும் அரசியல் அந்தக் கால வாழ்க்கையில் இருந்தது இயல்பாக இருக்கின்றது.
இன்னொரு காட்சி. ஜெயிலில் இருந்து வெளியே வரும் ரங்கன் வாத்தியாரிடம் ரிக்ஷாக்காரர், ரங்கன் வாத்தியாரின் மகனான வெற்றி அதிமுகவில் சேர்ந்ததைக் காட்டி அங்கலாய்க்கிறார், அடுத்து அவர் வீட்டிலும் அவரது மகனின் அறையில் எம்ஜியார் புகைப்படத்தில் இருக்கிறார். அதிமுக - திமுக போட்டியும் இதில் சரியாக காட்சிப்படுத்தப்பட்டிருக்கிறது.
இந்த அளவில் அரசியல் உறுத்தலாகத் தெரியாமல் இருந்தாலும் பின்வரும் காட்சிகள் அப்படியில்லை.
உதாரணமாக இந்தக் காட்சியை இன்னொரு முறை கவனியுங்கள். ஆட்சிக்கலைப்பு நடந்து ரங்கன் வாத்தியாரை கைதுசெய்ய போலீஸ் வருகிறது.
யாருக்கும் பயப்பட மாட்டேன், இங்கே தான் இருப்பேன் என்கிறார் ரங்கன் மாஸ்டர். ஆனால் அதற்கு முன் ஒரு வசனம் சொருகப்பட்டிருக்கிறது.
"கழகத்தோட உடன்பிறப்பு நான்" என, அப்போது ரங்கன் வாத்தியார் தெரிவதில்லை, மேடையில் ஆர்யா நிற்கும் காட்சியை வைத்து வாய்ஸ் ஓவரில், கொஞ்சம் கவனித்துப்பார்த்தால் இந்த உடன்பிறப்பு வசனமும், அடுத்து வரும்வசனமும் குரலில் கூட நல்ல வித்தியாசம் இருக்கிறது. இந்த இரு வசனங்களும் கண்டிப்பாக ஒரே சமயத்தில் பேசப்படவில்லை என்பதை கவனிக்கமுடிகிறது. அந்த உடன்பிறப்பு வசனம் தனியாக நிற்கிறது.
அடுத்து கருணாநிதி மகன் ஸ்டாலினையே கைது செய்துவிட்டார்களாமே என அதுவும் மிக எளிதாக வாய்ஸ் ஓவரில் இருப்பதும்
இதில் இன்னொரு ஆச்சரியம் படத்தில் இவ்வளாவு பேசினாலும் கடைசியில் காட்ட எம்ஜியார் படங்கள் தான் இருக்கின்றன, ஒரு கலைஞர் படமும் இல்லை. அதாவது படத்தின் வசனங்களில் திமுக பங்களிப்பு அதிகம் சொல்லப்பட்டு அதிமுக பங்களிப்பு எதுவும் சொல்லப்படாத நிலையில் அதே படத்தில் கடைசியில் காட்டப்படும் நிஜ புகைப்படங்களில் கலைஞர் இல்லாமல் எம்ஜியார் குத்துச்சண்டை வீரர்களுடன் நிற்கும் இரு படங்கள் இருப்பது ஒரு நகை முரணாக இருக்கிறது.
இங்கே தான் யுடியூப் களத்துக்கு வருகிறது
இந்தப் படத்தின் சிகை வடிவமைப்பளார் பேட்டியில் எம்ஜியார் போல ஒருவருக்கு மேக்கப் போட்டதாக்ச் சொல்கிறார். அந்த மேக்கப் மிகச் சரியாக அமைந்து அவரோடு தான் விரும்பி செல்பி எடுத்துகொண்டதாகக் கூட சொல்கிறார். ஒருவேளை இந்தப்படம் திமுக ஆட்சிக்கு வருவதற்கு முன் வந்திருந்தால் படத்தில் கூட எம்ஜியார் இருந்திருப்பாரோ என்பது சுவாயஸ்யமான சாத்தியமாக இருக்கிறது.
---
இந்தப் படத்தின் ராமன் கேரக்டர் ஒரு சுவாரஸ்யமான பாத்திரம். திறமை அழகு வசதி எல்லாமும் தனக்கு இருந்தும் திடீர் என பின்னால் நின்ற ஒருவன் தன்னை வென்று முன்னேறிச் செல்வதை நம்பமுடியாமல் பார்த்துக்கொண்டிருக்கும் ஒரு பாத்திரம். அந்த புதியவனும் தனது குருவையே ஆரிசியராகச் சொல்கிறான் என்பதும் ராமனுக்கு அதிர்ச்சியாக இருக்கிறது. இதை எங்கேயோ பார்த்திருக்கிறோமே என்று யோசித்துக்கொண்டிருந்தேன்.
அப்போது அந்த நடிகரின் யுடியூப் பேட்டியின் கீழே இந்தக் கமெண்ட்.
அதாவது படத்தில் இந்த ராமன் கேரக்டர் வரும்போதெல்லாம் கமல்ஹாசன் நினைவுக்கு வருவதாக சொல்லியிருக்கிறார்.
வெளியூர்க் கோச் எல்லாம் வைத்து பயிற்சி எடுக்கும் ராமன் கேரக்டரின் இன்ஸிபிரேஷன் கமல்ஹாசன் தானோ என்பதும் இன்னொரு சுவாரஸ்யமான சாத்தியமாக இருக்கிறது என்பதையும் மறுக்கமுடியாது
அந்த யுடியூப் இணைப்புகள்:
'கமல்' நடிகரின் பேட்டி
https://www.youtube.com/watch?v=hMLrlWGRab8&t
சார்பேட்டாவில் எம்ஜியார் பற்றி பேட்டி
https://www.youtube.com/watch?v=M8l8YwXHe70&t=1560s
இடுகைகள்
