நேர்மையின் விளக்கம் - உதவி கேப்டன் கோலி

[சும்மா காமெடிக்கு]

என்னடா திடீர்னு புது போன் என்று கேட்டேன். ஆறு மாதம் முன் தான் அவன் ஒரு ஸ்மார்ட் போன் வாங்கியிருந்தான்.

"இது டிஸ்ப்ளே பார் அஞ்சு இஞ்ச்சு" என்றான்.

"அப்போ பழைய போன்?"

"அதுவும் 5 இன்ச் தான். ஆனா இது நெட் கனெக்ட் பண்ணலாம்"

"பழசுல?"

"அதுலையும் பண்ணலாம் டா.. ஆனா இது ஆண்ட்ராய்ட்" 

"அப்படியா.. அப்போ ஏற்கனவே இருக்கிற போன் ஆண்ட்ராய்ட் இல்லையா.." என்றேன்.

"அதுவும்  ஆண்ட்ராய்ட் " தான் என்றான்.

"டேய்.....!!!"

கோலியிடம் பேசிய டோனி மாதிரி ஆகிப்போச்சு என் நிலைமை.

ஆஸ்திரேலியவுக்கு எதிரான காலிறுதிக்கு முன் ஒரு அணி ஆலோசனை நடந்திருக்கிறது. ஒன் டவுன் முக்கியமான இடம். யாரவது நன்றாக விளையாடுபவர்களுக்கு வாய்ப்பு கொடுக்கலாம் என்று சொல்லியிருகிறார் தோணி.

அதற்கு  நான் ஒன் டவுன் தான் இறங்குவேன். மற்ற இடங்களில் விளையாட மாட்டேன் என்று சொல்லிருக்கிறார் கோலி. அதை "நம்பி" தோணியும் அவரை ஒன் டவுன் அனுப்பியிருக்கிறார். ஆனால் உலகமே பார்த்தபடி அங்கும் சொதப்பி விட்டார்.

ஆனால் கோலியின் நேர்மையைப் பாராட்ட வேண்டும்.

"ஆனால் அங்கே விளையாட மாட்டேன் என்று தானே சொன்னார். அதனால் இங்கே விளையாவார்  நீங்கள் நினைத்துக்கொண்டால் அவரா பொறுப்பு"  :)

இதையும் படிங்க:

http://www.velavanam.com/2015/03/blog-post_30.html

Read More

நம்புவது போல ஒரு கொடூர விபத்து

தரையிலிருந்து மேலேறி பறக்கும்வரை கேப்டனின் பொறுப்பில் தான்  இருந்திருக்கிறது. சீராக சீறிப் பய்ந்துகொண்டிருந்திருக்கிறது. எல்லாம் சரியாகத்தான் நடந்துகொண்டிருக்கிறது என நினைத்துக் கொண்டிருக்கையில்  கட்டுப்பாடு உதவி கேப்டனின் கைக்குச் சென்று விட்டது.

இந்த சமயத்தில் தான் அந்த உதவி கேப்டன் வேலையைக் காட்டிவிட்டார் என்று சொல்கிறார்கள்.ஏற்கனவே பல மன சம்பந்தமான பிரச்சனைகளை கொண்ட அந்த உதவி கேப்டன் தானும் சேர்ந்துதான் வீழப் போகிறோம் என்று தெரிந்தும் நோஸ் டைவ் செய்து விட்டார் எனச் சொல்கிறார்கள். அதை கவனித்த கேப்டன் வெளியிலிருந்து கதறியும் பலனில்லை என்கிறார்கள். உதவி கேப்டன் செய்த நோஸ் டைவ் வேலையால், திறமை வாய்ந்த கேப்டனாலும் காப்பாற்ற முடியாத நிலைக்கு சென்று விட்டது.

அந்த உதவிக் கேப்டன் அவர் பலமுறை தனது மன சம்பந்தமான பிரச்சனைகளுக்குகாக கண்டிக்கப்பட்டவர் எனவும் செய்திகள் வெளிவரத்தொடங்கியுள்ளன.  பலர் நம்பியிருக்கும் ஒரு பணியில் இப்படிப்பட்டவரை அமர்த்தலாமா என உலகம் கொதித்துக் கொண்டிருக்கிறது. என செய்வது நடந்த இழப்பு இழப்பு தான்.

என்ன கதை இது  என்று கேட்கிறீர்கள் தானே, 

இது தான் கடந்த வாரம் பிரான்சில் நடந்த விமான விபத்தின் பின்னணி. அந்த கேப்டனின் பெயர் 

Patrick Sondheimer, உதவி கேப்டனின் பெயர்  Andreas Lubitz, நடந்தது ஜெர்மன்விங்க்ஸ் விமானத்தில். என்னதான் ப்ளாக் பாக்ஸ் ஆதாரங்கள் வந்தாலும், நம்புவது கொஞ்சம் கடினமாகத் தான் இருக்கிறது.  இப்படி இவன் செய்வானா என. 

அப்படிஎன்றால் இன்னொரு வபத்தைப் பற்றிச் சொல்கிறேன்.. அது கிட்டத்தட்ட நாம் எல்லோரும் பார்த்த விபத்து தான். கேப்டன் பெயர் தோணி, உதவி கேப்டன் பெயர் விராட் கோலி. நடந்த இடம் சிட்னி. இப்போது இந்த கதையை மறுபடி வாசித்துப் பாருங்கள்.  கண்டிப்பாக நம்பவது மாதிரி இருக்கும். 

விபத்து 1:

Report: Co-pilot persuaded captain to leave cockpit

விபத்து 2

2nd Semi-Final (D/N), Sydney, Mar 26 2015

Read More

சென்னையில் ஜெயமோகன் விழா

தமிழிலக்கிய உலகின் கவனம் இன்று குவிந்திருக்கும் இடம் சென்னை. இன்று மாலை விஷ்ணுபுரம் வாசகர் வட்டம் நடத்தும் விழா நடக்கவிருப்பது தி நகர், சர் பிட்டி தியாகராயர் அரங்கில்.

இந்த ஆண்டுக்கான சாகித்ய அகாடமி விருது பெற்ற எழுத்தாளார் பூமணிக்கு பாராட்டு விழா. அஞ்ஞாடி நாவலுக்காக விருது பெற்றபின் பூமணி கலந்து கொள்ளும் விழா. எழுத்தாளர் ஜெயமோகன் கலந்துகொள்ளும் விழா. எனவே செறிவான இலக்கிய அனுபவத்துக்கு உத்திரவாதம்.

விஷ்ணுபுரம் விருது என்று ஒன்று உருவானபோதே தமிழிலக்கிய உலகில் அது பெரும் சலசலப்பை உருவாக்கியது. விருதுகள் பற்றிய அவநம்பிக்கையும் விமர்சனங்ளும் மட்டுமே விரவியிருந்த சூழலில் அதற்க்குத் ஒரு தீர்வாக ஒரு நம்பகமான விருதை அளிப்பதாக விஷ்ணுபுரம் அமைப்பு அறிவித்தபோது பல அதிர்வலைகளை உருவாக்கியது, கூடவே பெரும் நம்பிக்கையையும்.இந்த வருடம் சாகித்ய அடாடமி பெரும் எழுத்தாளார் பூமணி 2011 ஆண்டே விஷ்ணுபுரம் விருது பெற்றிருகிறார் என்பதும் ஒரு கூடுதல் தகவல்.

இன்று மாலையில் செறிவான ஒரு இலக்கிய கொண்டாட்டம். சென்னை வாழ் வாசகர்கள் தவற விடக்கூடாத நிகழ்வு.

http://www.jeyamohan.in/69258

நாள் 11- 1-2015 ஞாயிறு
இடம் சர் பி டி தியாகராஜர் அரங்கம்
ஜி என் செட்டி சாலை, தி நகர், சென்னை
நேரம் மாலை ஐந்துமணி

Read More

அஞ்சலக அட்வென்சர்

எதிர்பார்த்ததை விட பரபரப்பாகவே இருந்தது தபால் அலுவலகம். அத்தனைக் கவுண்ட்டர்களிலும் வாடிக்கையாளர்கள். ஒரு அரசுத்துறை அலுவலகத்தில் பரபரப்பாக வேலை நடப்பதை பார்பதும் ஒரு மகிழ்ச்சி தான். ஆனால் அது மட்டும் போதாதே, நான் வந்த வேலையும் நடக்க வேண்டும் அல்லவா.

நான் ஒவ்வொரு கவுண்டராக பார்த்துக்கொண்டே சென்றேன், எங்கு நான் கேட்கவேண்டுமென பார்த்துக்கொண்டே. எதிலுமே நான் வந்த வேலை முடியாது என்று தெரிந்தது. சரி நான் எதற்கு அந்த தபால் அலுவகத்துக்கு வந்தேன். ஒரு அஞ்சல் உறை வாங்கத்தான். 

ஆனால் அந்த அலுவலகத்தில் அஞ்சல் சம்பத்தமான பணிகளைத்தவிர மற்றவற்றில் அனைவரும் மூழ்கியிருந்தனர். சற்று நேரத்துக்குப்பிறகு ஒரு ஊழியரிம் கேட்டு அஞ்சல் சம்பந்தமான விஷயங்கள் எங்கே கிடைக்கும் என்று கேட்டேன். அவர் கூண்டு மாதிரி இருக்கும் ஒதுக்குப்புறமான ஒரு அறையக்காட்டினார். 

என்னடா இது அஞ்சல் அலுவலத்தில், அஞ்சல் துறைக்கு வந்த சோதனை என்று நினைத்துக்கொண்டு அந்தக் கூண்டுக்குள் எட்டிப்பார்த்தால் யாரும் இல்லை. 

என்ன செய்வதனத் தெரியாமல் சற்று நேரம் சுற்றியபிறகு ஒருவரைக் கண்டுபிடித்தேன். ஒரு உயரதிகாரி தோற்றத்தைக்கொண்டிருந்தார். நான் அஞ்சல் உறையக்கேட்டதும் சற்று யோசித்துவிட்டு அதே கூண்டைக்காட்டி அதில் யாரும் இல்லையென்றும் தெரிந்துகொண்டார். 

இங்கு வந்து ஏன் இவன் இதைக்கேட்கிறான் என அவரது முக பாவனை சொன்னலும் அவரே வந்து எடுத்துக்கொடுக்க தவறவில்லை. உயரதிகாரிக்கு ஒரு நன்றியைச் சொல்லிவிட்டு கிளம்பினேன். வேலை இனிதே நிறைவடைந்தது.

நான் போனது மதிய உணவு நேரமாக இருந்ததால் அங்கிருந்தவர் சாப்பிடப்போயிருக்கலாம், சென்னை அண்ணா சாலையில், அவ்வளவு முக்கியமாக இடத்தில் இருக்கும் அஞ்சல் அலுவலகத்திலியே, சேமிப்புத் துறைக்கு இடையே  இருக்கும் அஞ்சல் துறையக் கண்டு பிடித்தது ஒரு நிஜமான சாகசம் தான்.

Read More

மீண்டும் ரஜினி - டிக்கெட் எடு! கொண்டாடு!!

ராஜா லிங்கேஸ்வரன் எங்கே எனத் தேடிக்கொண்டிருக்கிறார்கள், அடுப்பில் சமைத்துக்கொண்டிருப்பவர் திரும்பினால் அதுதான் அவர். அடிப்பில் பொறிவதென்னவோ அப்பளம் தான். ஆனால் நொறுங்குவது மக்களின் மனது. 

அந்த நெகிழ்ச்சியான காட்சிக்குப்பிறகு ரஜினி பேசும் ஒவ்வொரு வசனமும், வாழ்க்கையையின் சவால்களை சந்திக்க மக்களுக்கு அவர் கொடுக்கும் உற்சாக டானிக்.

ராஜா லிங்கேஸ்வரனின் ரயில் சண்டை தீவிரமான அதிரடி என்றால், இளைய லிங்காவின் கடைசி பாலூன் சண்டை நம்மை குழந்தைகளாக்குகிறது. அந்தந்த காட்சிகளுக்கான மனநிலையை வெகு இயல்பாக கொண்டு வருவதில் இயக்குனரின் காட்சியமைப்பும் தலைவரின் நடிப்பும் மிளிர்கின்றன. 

ரஜினியும் இளைய பாத்திரத்தை விட, லிங்கேஸ்வரனாக இருக்கும்போது மிக இயல்பாக இருக்கிறார். லிங்கேஸ்வரனாக பேசும் ஒவ்வொரு வசனமும் பட்டாசு தான்.

linga

தேசியம் ஒற்றுமை தியாகம் போன்ற விழுமியங்களை மக்கள் மனத்தில் பதிக்க எலோராலும் முடியாது, அதைச் செய்யமுடியும் ரஜினி, இந்தப்படத்திம் மிகச் சிறப்பாகச் செய்கிறார். நேர்நிலைக் கருத்துக்களை மக்கள் மனத்தில் விதைத்து அனுப்புகிறார்.

சமீபத்தில் வந்த சில படங்கள், ரஜினியின் முழு ஆளுமையைக் கொண்டு வர சற்று தவறியது நமக்கு கொஞ்சம் வருத்தம் தான். ஆனால் லிங்கா அனைத்துக்கும் சேர்த்த முழுமையான ரஜினி படம்.

இந்த லிங்கா ஒரு முழுமையான ரஜினி வெற்றி. டிக்கெட் எடு கொண்டாடு.

Read More